द्वन्द्वका मुद्दा चाँडो टुंग्याउन ओलीलाई दाहालले किन दिए दबाब?

काठमाडौं : द्वन्द्वकालीन मुद्दाले अप्ठ्यारोमा पार्ने जोखिम देखेपछि नेकपा अध्यक्ष पुष्पकमल दाहालले यो विषय छिटो टुंग्याउन प्रधानमन्त्री केपी शर्मा ओलीलाई दबाब दिएका छन्। सत्यनिरूपण तथा मेलमिलापको काममा अपेक्षित प्रगति नभएको र यो विषयमा अन्तर्राष्ट्रिय समुदायले बोल्न थालेको उल्लेख गर्दै दाहालले प्रधानमन्त्रीलाई आन्तरिक रूपमै टुंग्याउन दबाब दिएका हुन्।

केही दिनयता दाहाल र ओलीबीचको मनमुटाव सतहमा देखिएको छ। यही सन्दर्भमा उनीहरूबीच शनिबार बिहान छलफलसमेत भएको थियो।छलफलमा दाहालले सत्यनिरूपणको विषयलाई सरकार, सदन र राजनीतिक दल मिलेर टुंग्याउने मर्म बुझेर काम अघि बढाउनुपर्ने धारणा राखेको स्रोतले बताएको खवर कान्तिपुरमा छ।